DAGES JILID III

Semaput bae...

Mela gagian mlayu maring mburi karo celuk-celuk biyungẽ, dewekẽ kagẽt krungu suara “Gdebug!!” … bareng ndeleng neng mburitan mamanẽ ora nana Mela terus mlayu maring samping umah, Dewekẽ kaget rẽtung bareng weruh biyungẽ nggludag ning lemah, ning jejerẽ enthok pating njlungkanang. Mela ora sadar nangis karo ngorong-ngorong njaluk tulung solaẽ dewekẽ bingung arep polah priwẽ.

Krungu abanẽ ana bocah tulung-tulungan gagian baẽ wong pada gemrudug maring umaẽh Mela, ẽsuk-ẽsuk pancẽn akẽh wong pada mangkat nyambut gawẽ, ana sing maring kebon, ana sing maring sawah. Dadinẽ sedẽla baẽ umaeh Mela kebek ding wong sing krungu ana bocah njaluk tulung.

Wong-wong pada kagẽt weruh Yu Jumirah nggletak neng lemah, jejerẽ ana entok mati 6 jumlaẽh. Weruh kaya kue, ditambah delengẽ ya ana runtukan dages mambrah-mambrah gagian baẽ wong-wong pada nyimpulna “ Yu Jumirah wuru dages!”. Tanpa di prentah gagian baẽ wong-wong pada nggotong yu tJumirah maring njero umah trus di kedengna ning risban. Ora kakehen rembug akhirẽ wong-wong sepakat nggawa yu Jumirah maring PUSKESMAS.

Ning Puskesmas wong esih ramẽ,sing pada wuru dages ẽsih pada opname, trus dina kiyẽ abanẽ anak kunjungan Bupati arep tilik wong sing pada wuru . Petugas Medis PUSKESMAS ditambah bantuan petugas sing kabupaten delengẽ pada trengginas ngrumati korban wuru. Ora let suwẽ wong pada gemrudug maring dalan, dokter puskesmas ya delengẽ kesusu , jẽrẽ bupatinẽ wis teka.wong pada rebutan salaman karo bupatinẽ, meungkin mikirrẽ kapan maning bisa salaman karo bupati angger ora lagi ana wuru dages kaya kiyẽ .

Bar mubeng-mubeng niliki wong sing pada dirumat ning Puskesmas, bupatinẽ njaluk ketemuan karo MUSPIKA ditambah Pimpinan PUSKESMAS. Acara Pertemuan dianakna ning Rumah dinas Kepala PUSKESMAS. Isinẽ pertemuen intinẽ bupatinẽ njaluk laporan menyeluruh masalah kedadian wuru dages.

“ Bagaimana dokter , jumlah korban keracunan ada berapa ,terus kondisinya bagaimana??” Bupatinẽ takon karo kepala PUSKESMAS.
Semu maras karo ya anu ora turu sewengi doktere njawab digawe tegas tapi madan njledeg suwarane,” yang dapat saya laporkan, jumlah korban keracunan ada 46 Orang, 44 kondisinya sudah membaik dan 2 korban agak berat.
“Terus kira-kira itu sudah jumlah final dok??” Nembe rampung dokter rẽ ngomong bupati nẽ gagiyan takon maning.
“ Kalau berdasarkan dari waktu kejadian sampai sekarang sudah kira-kira 12 jam menurut saya jumlah itu sudah final, dan kami juga sudah proaktif mengecek ke desa-desa sudah tidak ada korban lagi “ dokte rẽ njawab meyakinkan.


Nembekẽ Cep dokterẽ najawab kaya kuẽ, abanẽ ning njaba ana suara wong pada ribut…. Rapatẽ dadi kaco brisik ding suara wong pating gemrudug Bupatinẽ gagiyan prentah ajudan kon ngecek maring jaba, ora let suwe ajudanẽ laporan “ Pak ada korban keracunan baru yang dibawa kesini “. Bupatinẽ mlirik maring dokterẽ, dikayak kuekna dokterẽ kaku jeger ora bis ngomong apa-apa, kayanẽ di sembeleh gẽ ora metu getieh.


Rapate bubar… Bupatine gagiyan prentah dokterẽ kon ngecek korban anyar sing nembẽ teka. Korban gagiyan di gawa maring teras rumah dinas dokter, soalẽ ning PUSKESMAS wis kebek ding korban liane. Doktere gaiyan baẽ ngecek kondisi korban, Sewise dital - tul trus ana di tensi mbarang, dokterẽ delengẽ malah bingung. Angger di deleng tanda-tanda fisik karo hasil pemeriksaan sementara ora di temukna tanda-tanda keracunan. Tapi angger jẽrẽ sing pada nggawa . korban di temukna wis nggludag karo ethok trus ana dages mabrah-mabrah ning jẽjẽrẽ.


Dokterẽ mang-mang, menurut ilmu sing dipelajari enthong duit akeh neng Fakultas Kedokteren trus di tambah pengalaman, dewekẽ yakin korban anyar sing jenengẽ yu Jumirah kiyẽ udu korban keracunan. Dẽlẽngẽ tah iya, raine pucet trus semaput ora emut malah angger di deleng tah, ekspresine lewih parah dari pada korban keracunan .


Wong-wong termasuk dokterẽ pada ora ngerti sebabẽ Yu Jumirah semaput, jan-janẽ yu Jum semaput pancen udu merga keracunan, tapi merga mumet mikirna duit nggo Mbayar urunan pembangunane si Mela, arep adol enthok malah pada mati keracunan. Dadi janẽ anu korban ora langsung, sing mangan dages enthokẽ Yu Jum melu berpartisipasi semaput. Tapi apa iya ilok semaput merga bingung mikir duit ekspresi raine lewih nelangsasni timbang wong wuru dages????? Hehhe…


Sewisẽ di tambani werna-werna yu Jum akhirẽ emut, dẽwẽkẽ bingung dẽneẽng wis ning PUSKESMAS, Ujarku miki aku arep adol ethok ning Kang Tarmin deneng malah aku wis nggletak ning PUSKESMAS. Dẽwẽkẽ ngemut-emut kedadian sedurungẽ, bareng wis butul kemutan duit Pembangunan nggo Mela Dẽwẽkẽ semamput maning. Kedadian semaput - emut trus semaput maning wis ping pirang –pirang. Doktere bingung. Mela delenge ya nangis nganti ora metu suarane karo nyekeleli tangane biyungẽ.


Bupatinẽ esih neng PUSKESMAS, Pak Bupati ya melu bingung ndeleng kondisinẽ korban sing anyar, akhirẽ sewisẽ olih penjelasan sing dokter, bupati prentah ajudanẽ kon ngundang keluarganẽ yu Jum. Berhubung keluarganẽ yu Jum sing sehat kur Mela karo Tarmo akhirẽ wong loro kuwe sing diundang.


Mela karo mingksek-mingksek nyritakna kedadian mau ẽsuk ,kawit dẽwẽkẽ njaluk duit nggo urunan pembangunan butul weruh biyungẽ semaput. Angger Tarmo crita babagan Yu Jum sing janẽ ora sempat mangan dages malah wenginẽ nembẽ tilik bareng deweke maring PUSKESMAS, ditambaih crita setitik yu Jum Sing njanjeni dẽwẽkẽ arep mbayar duit Listrik dina kiyẽ merga wingi urung duẽ duit.


Akhirẽ Bupati karo dokterẽ paham sebabe yu jum Semaput ora mari-mari, berarti dẽwẽkẽ semamput merga bingung mikir duit nggo mbayar urunan pembangunan sekolah karo liane. Sewise sempat emut maning gagiyan bae doktere mereki Yu Jum karo crita masalah sing Diadepi yu Jum. “ dados ibu mpun mboten usah kuatir, mangke niki kulo sampung di welingi bapak bupati, masalah arto kangge iuran Mela sekolah bade ditanggung pak bupati” Doktere crita karo madan keseusu soale mbok Yu Jum Semaput maning. Krungu kaya kue yu Jum matane mbrambang mrebes mili, seneng campur isin, Seneng sebab duit nggo Mela wis ana sing ngatasi, tapi uga isin sebab masalah kaya kuẽ deneng bupati nganti ngerti, trus jebulẽ dokterẽya wis ngerti masalah penyebab dewekẽ semaput. Tapi angger gagiyan sehat mengko ke genahen angger dẽwẽkẽ semaput merga bingung duit. Ahire yu jum merem maning apen-apen semaput….


Dokterẽ mesem karo menyat ninggalna Yu Jum, dẽwẽkẽ ngerti angger semamput sing terakhir miki yu Jum kur apen-apaen thok. Mesemẽ doktere ya ngandung arti ayem, soale dewekẽ ora kewirangan ning ngareppe bupati, sebab mau lagi di takoni Bupatinẽ njawab wis ora ana korban lianẽ.


Wektu wis jam 12 awan, Bupati esih neng PUKESMAS ngrampungna rapat koordinasi karo MUSPIKA sing sempat ketunda gara-gara ana “korban” mau, sewisẽ dirasa cukup bupatinẽ pamitan karo Dokter kepala PUSKESMAS lan MUSPIKA arep balik maring Kota soalẽ ana pegawean lianẽ. Nembẽ baẽ arep mlebu mobil, Bupatinẽ kemutan Korban sing terakhir sing Jenenge Jumirah. Gagian baẽ deweke mbalik ngajek dokterẽ nemoni Yu jumirah sedurungẽ Balik.


Yu Jum esih Nggletak neng amben teras rumah dinas Dokter, ning sebelaeh Mela lagi mijeti, delenge wis ora nangis maning sebabbe biyunge wis ẽmut karo rainẽ ya wis cerah. Bupati karo dokterẽ mẽreki ambene Yu Jumirah. “ Pripun kondisinipun bu??, bupatinẽ takon neng Yu jum karo nyalami tanganẽ, yu Jum Bingung solaẽ ora ngerti sapa sing ngajek salaman.” Niki Bapak Bupati bu….!” Dokterẽ njelasna maring Yu Jum yong delengẽ Bingung. Yu jum mesem semu isin karo njawab “ nggih sampun radi sehat pak, matur nuwun pak, sampun kerso mbantu kulo…. “! Bupatinẽ melu mesem “ mboten nopo-nopo bu… sing penting ibu saged sehat malih ..!” masalah biayanẽ Mela mangke kulo koordinasi kalih pihak sekolah, Mela bade kulo biyayani mboten kur masalah iuran pembangunan tapi nggih biaya lianẽ butul tamat SMP, malah nek kerso mangke kulo biayani SMA nipun”… krungu kaya kuẽ biyungẽ Mela ora bias ngomong apa-apa. Ning pikiranẽ kemutan si Mela sing saben-saben anger di takoni cita-citanẽ pengin dadi Bupati, angger kaya kiyẽ tah aku ora maido, delengẽ bupati tah duitẽ akẽh dadi arep mbantu ya ora tanggung-tanggung tapi ilok bisa yong Mela tah mangane gẽ Dages.


Mela kawit mau nglogog neng pinggir ambẽn ndeleng biyungẽ lagi ngobrol karo bupatinẽ. Dẽwẽkẽ weruh bupatinẽ kaya weruh malikat baẽ, tanda jabatan sing kaya jengkol di cantellna ning sak nduwur kerlob-kerlob kaya srengengẽ sing madangi bumi, neng ati Mela tambah kemlejet mantepna cita-cita pengin dadi bupati…. Lagi ngalamun kaya kuẽ ijig-ijig abanẽ ana wong takon karo aweh tangan ngajek salaman…. “Namine lengkapẽ sinten dik…!” bareng ndangak deweke kaget, sing ngajek salaman ternyata Bupatinẽ sing kawit mau lagi di alamuni. “ MELAWATI SUKARMOPUTRI pak……… Mela njawab karo isin-isin. “ nggih sampun kulo pamit rumiyin bu, mugi-mugi cepet pulih… bupatinẽ pamitan karo Yu jum…. Sing di pamiti wis merem ora obah maning… Yu Jumirah Semaput maning, tapi siki semaputẽ merga seneng keliwat……. ( Bersambung)

Tuk Banyu Mili